देखिन्छु रे { छड्के }

अहिले त चकास् देखिन्छु रे ,

कुखुरो बेचेर झुत्रे पेन्ट किनेको छु ,
जी पनि तानिन्छ
बुज पनि हानिन्छ...
दुइ-चार लफंगाहरु चिनेको छु ,
झ्याप भएर तिनै सँग हिनेको छु !!

अहिले त दामस् देखिन्छु रे ,
बाख्रो बेचेर मुबाइल किनेको छु
गफैले हल्लाइन्छ
फेसबुक पनि चलाइन्छ
छिप्कलीहरुको नम्बर चिनेको छु
गाउ भरि धाक लड़ाउदै हिनेको छु .....!!

अब त झन् झकास् देखिन्छु रे
खेत बेचेर बाइक किनेको छु
डान्सबार गइन्छ ,
बबाल मच्चाइन्छ ,
दुइ चार दलालहरु चिनेको छु
मन्त्रीको छोराहरु सँग हिडेको छु !!

अहिले झन् त गांठिस् देखिन्छु रे
घरबारी बेचेर राजनीतिमा हिडेको छु
भाषण फुकिन्छ ,
चुनाब पछी लुकिन्छ .
दुइ चार कुण्डले ट्यापेहरु पालिएको छ .
देश किन्ने बिदेशी दलाल चिन्न थालिएको छ !!